Leauge For Democracy Party (LDP): ចំណេះដឹង

Showing posts with label ចំណេះដឹង. Show all posts

Google Translate ត្រូវបានគេទទួលស្គាល់ថា ជាប្រព័ន្ធបកប្រែស្វ័យប្រវត្តិមួយ ដ៏ពេញនិយមសំរាប់ពិភពលោក។ ចំនែកការបកប្រែភាសាខ្មែរ នៅមិនទាន់អាចទទួលយកបាននៅឡើយ។ ដូច្នេះយើងម្នាក់ៗអាចជួយកែតម្រូវគ្នា ដើម្បីអោយគុណភាពនៃការបកប្រែកាន់តែប្រសើរឡើង។
ខាងក្រោមនេះជាឧទាហរណ៍មួយ សំរាប់អោយនិយមន័យពាក្យថា LDP .
របៀបកែរសំរួល ពាក្យក្នុងម៉ាស៊ីនបកប្រែ Google translate
1. ចូល Google translate
2. ប្រភពដើមរើសយកភាសាអង់គ្លេស នឹង ខាងលទ្ធផលរើសយកភាសាខ្មែរ

រូបភាព ១

3. វាយពាក្យ ldp ចូលសាក់មើល ដោយសារតែដំបូង ក្រុមហ៊ុន Google មិនទាន់ បកប្រែអោយយើងបានល្អប្រសើរនិងត្រឹមត្រូវទេ ចឹងយើងនាំគ្នាកែរទាំងអស់គ្នា ព្រោះកាលណាមាន មនុស្សចូលកែច្រើនGoogle យល់ថាពាក្យនោះជាពាក្យត្រឹមត្រូវ
4. ចុចឧបករណ៌មួយ ឈ្មោះថា improve translation

រូបភាព២

5. លុបពាក្យដែល Google បកប្រែ ខុសពីមុន ជំនួសដោយ ពាក្យ
គណបក្សសម្ព័ន្ធដើម្បីប្រជាធិបតេយ្យ

រូបភាព៣

ធ្វើអោយបានគ្រប់គ្នា នោះពាក្យនេះនឹងត្រូវបានត្រួតពិនិត្យដោយ Google រួចកែសំរួលឡើងវិញហើយ។

កែរការបកប្រែពាក្យរបស់ LDP ជាភាសាខ្មែរក្នុង google ទាំងអស់គ្នា

រូបភាព ១

រូបភាព២

រូបភាព៣

ចុចអានបន្ត →

Lee Kuan Yew

នៅពេលដែលគេនិយាយអំពីប្រទេសសិង្ហបុរី ដែលរីកចម្រើនមកទល់សព្វថ្ងៃ គេមិនអាចមិននិយាយអំពីឈ្មោះលោក លីខ្វាន់យូ ទេ ព្រោះលោកលីខ្វាន់យូ (Lee Kuan Yew) ជាបិតាស្ថាបនិក (Founding Father) នៃប្រទេសសិង្ហបុរីសម័យទំនើប (modern Singapore) និងជារដ្ឋបុរស (statesman) ដ៏ឆ្នើមរបស់ប្រទេសសិង្ហបុរី។ លោកត្រូវគេផ្ដល់គោរមងារជា «គរុគណ -mentor» ដែលមានន័យថាជា «គ្រូធំ» ឬ «សម្ដេចព្រះគ្រូ» សម្រាប់ផ្ដល់ដំបូន្មានល្អៗ ដល់រដ្ឋមន្ត្រីសិង្ហបុរី ពីឆ្នាំ២០០៤ ដល់ ឆ្នាំ២០១១។ អត្ថបទនេះផ្ដោតជាសំខាន់លើរបៀបដឹកនាំ (leadership) របស់លោកលីខ្វាន់យូ ពោលគឺគោលនយោបាយសំខាន់ៗដែលលោកលីខ្វាន់យូធ្លាប់អនុវត្ត ចាប់ពីពេលលោកស្បថចូលកាន់តំណែងនៅថ្ងៃទី ០៥ ខែមិថុនា ឆ្នាំ១៩៥៩ ទៅទល់នឹងឆ្នាំ១៩៩០ (កាន់អំណាច ៣១ឆ្នាំ)។ ចំណុចសំខាន់ៗ ដែលគេគួរស្វែងយល់អំពីប្រទេសសិង្ហបុរី៖ ១-ជាប្រទេសតូច មានផ្ទៃដីមិនដល់ ២៥ គីឡូម៉ែត្រ គុណនឹង២៥គីឡូម៉ែត្រ(ផ្ទៃដីជាង ៧០០គីឡូម៉ែត្រការ៉េ) ផង ប៉ុន្តែមានអាកាសយានដ្ឋានធំលំដាប់កំពូលរបស់ពិភពលោក។ ២-ជាប្រទេសដែលស្ទើរតែគ្មានធនធានធម្មជាតិ រហូតដល់សូម្បីតែទឹកស្អាត ក៏ត្រូវទិញពីប្រទេសម៉ាឡេស៊ីដែរ។ រហូតមកទល់នឹងពេលនេះ ក៏សិង្ហបុរីនៅតែទិញទឹកស្អាតពីម៉ាឡេស៊ីដដែល ព្រោះការផលិតទឹកស្អាតដោយចម្រាញ់ពីទឹកសមុទ្រ បង្កហានិភ័យខ្ពស់ ព្រោះម៉្យាង ទឹកមានសារធាតុវិទ្យុុសកម្មដែលប្រើវិធីណា ក៏មិនអាចជម្រុះចោលបាន និងម៉្យាងទៀត ចម្រាញ់ទឹកស្អាតខ្លួនឯង សិង្ហបុរីចំណាយថ្លៃដើមខ្ពស់ជាងទិញពីគេស្រាប់។ ៣-ជាប្រទេសដែលមានកំពង់ផែអន្តរជាតិខ្នាតធំ លំដាប់អន្តរជាតិ។ ៤-ក្រោយពេលក្លាយជារដ្ឋឯករាជ្យ សិង្ហបុរីខ្សត់ខ្សោយធនធានគ្រប់សព្វបែបយ៉ាងទាំងអស់ ទាំងធនធានមនុស្ស និងធនធានធម្មជាតិ។ ៥-សិង្ហបុរីជាប្រទេសដែលមានសុខសុវត្ថិភាពបំផុតនៅក្នុងពិភពលោក ទោះបីមនុស្សចង់ធ្វើដំណើរកណ្ដាលអាធ្រាត្រ ម៉ោងប៉ុន្មាន ទៅដល់កន្លែងស្ងាត់ជ្រងំ ដើរដាច់សង្វែងយ៉ាងណា ក៏គ្មានបញ្ហាអ្វីកើតឡើងចំពោះគេដែរ។ ៦-សិង្ហបុរី ជាប្រទេសតែមួយគត់នៅក្នុងពិភពលោក ដែលអនុវត្តវិន័យ និងច្បាប់យ៉ាងហ្មត់ចត់បំផុត គ្រប់ជ្រុងជ្រោយ គ្មានការលើកលែង សូម្បីតែវិន័យតូចកំប៉ិកកំប៉ុកប៉ុណ្ណាក៏ដោយ ត្រូវតែអនុវត្តឲ្យខាងតែបាន។ អាស្រ័យដោយសារនយោបាយគេដើរត្រូវ គេអាចក្លាយជាប្រទេសដែលមានខឿនសេដ្ឋកិច្ចរុងរឿង រហូតមានឈ្មោះជា «កូននាគអាស៊ី» (ជប៉ុនជាប់ឈ្មោះជានាគអាស៊ី)។ នយោបាយសំខាន់ៗរបស់លោកលីខ្វាន់យូ មានដូចជា៖ -មានគណបក្សតែមួយ គឺគណបក្ស People's Action Party ដែលលោកជាអ្នកបង្កើត។ អ្នកណាហ៊ានប្រឆាំងនឹងនយោបាយលោកលីខ្វាន់យូ ឬបង្កើតគណបក្សថ្មី ត្រូវលោកលីខ្វាន់យូចាប់ដាក់ពន្ធនាគារ និងរំលាយគណបក្សចោលទាំងអស់។ លោកយល់ថាសិង្ហបុរីមិនអាចមាននិន្នាការនយោបាយច្រើនបានទេ ពោលគឺត្រូវដើរតាមបន្ទាត់នយោបាយតែមួយដែលលោកបានត្រួសត្រាយផ្លូវរួចហើយ។ -ធ្វើកំណែទម្រង់លើវិស័យអប់រំ ព្រោះប្រទេសមានផ្ទៃដីតូច បើគ្មានតម្រិះវិជ្ជាជ្រៅជ្រះ មុខតែប្រឈមនឹងបញ្ហាពិបាកច្រើន ដូចនេះការពង្រឹងវិស័យអប់រំ និងធនធានមនុស្ស ស្ថិតនៅក្នុងកម្មវិធីជាអាទិភាពរបស់លោកលីខ្វាន់យូ។ វិស័យអប់រំនៅសិង្ហបុរីត្រូវគេចាត់ទុកថាមានស្តង់ដារខ្ពស់កម្រិតកំពូលនៅក្នុងពិភពលោក។ -សណ្ដាប់ធ្នាប់ ទាំងសណ្ដាប់ធ្នាប់សង្គម និងបរិស្ថានស្អាត ចរាចរល្អ សង្គមគ្មានភាពអនាធិបតេយ្យ គ្មានអំពើឆក់ប្លន់ ឬអំពើពាលាអាវាសែអ្វីទាំងអស់។ ការបំបាត់អំពើពុករលួយ ដោយផ្ដល់ប្រាក់ខែ ឬប្រាក់បៀវត្សខ្ពស់សម្រាប់មន្ត្រីរដ្ឋការ។ -លើកស្ទួយ «សមភាពបុរស-ស្ត្រី gender equality» ធ្វើកំណែទម្រង់លើវិស័យអប់រំ និងឧស្សាហូបនីយកម្ម (industrialization) មានន័យថាកែប្រែប្រទេសឲ្យក្លាយជាប្រទេសឧស្សាហកម្ម (នយោបាយនេះនៅតែត្រូវយកមកអនុវត្ត រហូតដល់សព្វថ្ងៃ)។ -ប្រឈមនឹងការខ្វះខាតធនធានធម្មជាតិ លោកលីខ្វាន់យូ ធ្វើកំណែទម្រង់លើវិស័យសេដ្ឋកិច្ច ដោយកែប្រែប្រទេសជាតំបន់នាំចេញ «ផលិតផលសម្រេច -finished goods» និងដើរកៀងគរវិនិយោគិនបរទេស ឲ្យទៅបណ្ដាក់ទុនសិង្ហបុរី (foreign investment)។ -លោកលីខ្វាន់យូ ជាមេដឹកនាំដែលមានការប្ដេជ្ញាចិត្តខ្ពស់បំផុត (commitment) ក្នុងការសម្រេចឲ្យបានផែនការដែលលោកដាក់ចេញ ទោះបីត្រូវបង់ក្នុងតម្លៃណាក៏ដោយ (at all cost) មានន័យថាអ្វីដែលលោកដាក់ចេញមក ត្រូវតែអនុវត្តឲ្យបាន ដោយគ្មានការលើកលែង គ្មានអ្វីមករារាំង គ្មានអ្វីមកហាមឃាត់បាន ពោលគឺ «លូកដៃ ដាច់ដៃ លូកជើង ដាច់ជើង»។ -អំពីវិស័យសិទ្ធិមនុស្ស មជ្ឈដ្ឋានអ្នកសេរីនិយម ចាត់ទុកថាលោកលីខ្វាន់យូ រឹតត្បិតសេរីភាពបុគ្គលច្រើនពេក។ លោកលីខ្វាន់យូ បានឆ្លើយតបវិញថា នយោបាយរឹតត្បិតសេរីភាពបែបនេះ គឺដើម្បីឲ្យប្រជាពលរដ្ឋម្នាក់ៗ ក្នុងនាមជាកោសិកាសង្គម ត្រូវមានស្មារតីទទួលខុសត្រូវ ថាតើក្នុងនាមជាពលរដ្ឋល្អក្នុងសង្គម ត្រូវធ្វើអ្វីខ្លះ? ត្រូវមានកាតព្វកិច្ច និងទំនួលខុសត្រូវកម្រិតណា? មិនថាមជ្ឈដ្ឋានខាងក្រៅ គេរិះគន់ ឬវាយតម្លៃលោកលីខ្វាន់យូថាជា «អ្នកអត្តាធិបតយ្យ -autocrat» ឬ «អ្នកអាជ្ញានិយម -authoritarian» យ៉ាងណាទេ តែអ្វីដែលគេមិនអាចប្រកែកបាន គឺនយោបាយរបស់លោកលីខ្វាន់យូនេះហើយ ដែលនាំសិង្ហបុរីឲ្យរីកចម្រើនដូចសព្វថ្ងៃ។ ថ្វីត្បិតជាមេដឹកនាំផ្ដាច់ការ ក៏លោកមិនមែនជាអ្នកកុម្មយនិស្តនិយម ហើយក៏មិនមែនជាមេដឹកនាំឃោរឃៅ (dictator) ដែលដើរតែកាប់សម្លាប់មនុស្ស ឬធ្វើបាបមនុស្សដោយឥតមូលហេតុ ដើម្បីរក្សាអំណាចរបស់ខ្លួននោះក៏ទេដែរ។ នៅក្នុុងនយោបាយការបរទេស ក្នុងអំឡុងសង្គ្រាមត្រជាក់ លោកតែងតែគាំទ្រគោលនយោបាយរបស់សហរដ្ឋអាមេរិក ដែលប្រឆាំងនឹងលទ្ធិកុម្មុុយនិស្ត។ លោកលីខ្វាន់យូ បង្ហាញទស្សនៈនយោបាយរបស់លោកថាលទ្ធិនយោបាយមួយ មិនអាចអនុវត្តបានគ្រប់កាលៈទេសៈទេ មានន័យថាលទ្ធិប្រជាធិបតេយ្យត្រូវមានបែបផែនរបស់វា ដូចជា «ប្រជាធិបតេយ្យតាមបែបបស្ចិមប្រទេស» និង «ប្រជាធិបតេយ្យតាមបែបអាស៊ី» ដោយលោកសង្កត់ធ្ងន់អំពី «តម្លៃអាស៊ី -Asian value» ព្រោះទ្វីបអាស៊ីមានលក្ខណៈស្មគស្មាញ ចម្រុះដោយវប្បធម៌ច្រើន ដែលមិនអាចយកស្តង់ដារប្រជាធិបតេយ្យតាមបែបបស្ចិមប្រទេស ទៅអនុវត្តជោគជ័យ ដោយគ្មានការកែច្នៃនោះទេ។ នេះជាទស្សនៈរបស់លោកលីខ្វាន់យូ៕ ប្រែសម្រួល៖ អន សំអាង ប្រភព៖ scmp.com , britannica.com , harvard.edu , technologyandpolicy.org , wikipedia.org , BBC , countrystudies.com

source : thebnews

តើលោកលីខ្វាន់យូ ដឹកនាំប្រទេសតាមរបៀបណា ទើបធ្វើឲ្យសិង្ហបុរីក្លាយជាកូននាគអាស៊ីដូចសព្វថ្ងៃ?

Lee Kuan Yew

source : thebnews

ចុចអានបន្ត →

ពួកសាសនា គឺជាពួកអាត្មានិយម គិតតែផលប្រយោជន៏ផ្ទាល់ខ្លួន។
------*****-----

Lee Kuan Yew : គ្មានសាសនា ប៉ុន្តែគាត់មានដួងចិត្តអាណិតស្រលាញ់ ជនជាតិ Singapore និងមានទស្សនវិស័យភ្លឺស្វាងក្នុងការដោះស្រាយបញ្ហាប្រទេសជាតិ។ គាត់បានដឹកនាំ និងកសាងប្រទេស Singapore ពីប្រទេសក្រលំបាក ក្លាយជាប្រទេសដែលមានការរីកចំរើន។
------*****-----
Veasna Khem : គ្មានសាសនា ប៉ុន្តែគាត់ជាមនុស្សយល់ធម៌ និងពាល់ត្រូវធម៌ ហើយគាត់មានដួងចិត្តអាណិតស្រលាញ់ មនុស្សជាតិ និងទស្សនវិស័យភ្លឺស្វាងក្នុងការដោះស្រាយបញ្ហាប្រទេសជាតិ។ គាត់បាននឹងកំពុងធ្វើការផ្តល់មូលដ្ឋានពិចារណាជាប្រចាំដល់ពលរដ្ឋខ្មែរ លើផ្នែក នយោបាយ/ប្រជាធិបតេយ្យ សីលធម៌សង្គម និងកិច្ចបដិបត្តិព្រះធម៌ ដោយមិនខ្វល់ខ្វាយពីអ្នកគាំទ្រ ប៉ុន្តែខ្វល់ខ្វាយបំផុតថាអ្វីដែលយើងធ្វើត្រូវឬខុស។ បើយល់ថាត្រូវ គឺគាត់ចាប់ផ្តើមធ្វើ។ www.camldp.org

lee kuan yew & khem veasna are non religion

ពួកសាសនា គឺជាពួកអាត្មានិយម គិតតែផលប្រយោជន៏ផ្ទាល់ខ្លួន។
------*****-----

ចុចអានបន្ត →

ប្រធានាធិបតី និងនាយករដ្ឋមន្ត្រីដែលក្រីក្របំផុតនៅក្នុងពិភពលោកប្រភព៖ បរទេស

ស្រប ពេលដែលប្រធានាធិបតី និងនាយករដ្ឋមន្ត្រីនៃបណ្ដាប្រទេសស្ទើរតែទាំងអស់មានជីវភាពសម រម្យ ប្រមុខដឹកនាំរដ្ឋាភិបាលទាំងពីររូបខាងក្រោមនេះ ត្រូវបានគេចាត់ទុកថា មានជីវភាពក្រីក្រជាងគេបំផុត។

១-លោក ចូសេ មូជីកា (Jose Mujica)

ទិន្នន័យសង្ខេប
មុខតំណែង ប្រធានាធិបតីនៃប្រទេសអ៊ុយរ៉ាហ្កាយ
កើត ថ្ងៃទី ២០ ខែឧសភា ឆ្នាំ១៩៣៥ (អាយុ ៧៩ឆ្នាំ)
ទីកន្លែងកំណើត រដ្ឋធានីម៉ុងតេវីដេអូ ប្រទេសយូរូហ្កាយ ឬអ៊ុយរ៉ាហ្កាយ (Uruguay)
ប្រវត្តិតស៊ូ និងប្រវត្តិនយោបាយ ជាអតីតអ្នកតស៊ូក្នុងព្រៃ (guerrilla)
និន្នាការនយោបាយ ជាអ្នកឆ្វេងនិយម (left-wing)
ជំនឿសាសនា មិនកាន់សាសនា (atheist)

...តើអ្នកដឹងទេ ប្រធានាធិបតីអាមេរិកណាខ្លះ អាចនិយាយបានច្រើនភាសាជាងគេ?...

កាន់តំណែងជាប្រធានាធិបតីនៃប្រទេសយូរូហ្កាយ (Uruguay) ចាប់តាំងពីឆ្នាំ២០១០ រៀងមក។ លោកគ្មានចិត្តលោភលន់ ប្រាថ្នាទ្រព្យសម្បត្តិអ្វីទាំងអស់ ហើយថែមទាំងបរិច្ចាគប្រាក់បៀវត្សរបស់លោកដើម្បីធ្វើសប្បុរសទាន សម្រាប់អ្នកដទៃទៀតផង។ លោកមិនប្រាថ្នាជីវិតហ៊ឺហា ឬស៊ីវិល័យ ប្រណីតភាពអ្វីទាំងអស់ លោករស់នៅក្នុងកូនខ្ទមដូចខ្ទមចាំចាបគេហដ្ឋានស្រុកស្រែ និងជិះឡានចាស់ម៉ាកវ៉ុលស្វាហ្គែន (Volkswagen) ដែលប្រើតាំងពីឆ្នាំ ១៩៨៧ មកដល់បច្ចុប្បន្ន ក៏នៅតែជិះឡានមួយហ្នឹងដដែល។

និវេសនដ្ឋានដ៏ធំស្កឹមស្កៃ ដែលរដ្ឋបានផ្ដល់សិទ្ធិសម្រាប់លោកស្នាក់នៅក្នុងនាមជា ប្រធានាធិបតី លោកមិនបានស្នាក់នៅទេ សុខចិត្តទៅនៅផ្ទះឯស្រុកស្រែ ដែលធ្លុះធ្លាយដោយអន្លើ។ ក្រៅពីអាជីពនយោបាយជាប្រធានាធិបតី លោកឆ្លៀតដាំផ្កា និងបន្លែលក់។

...ដឹងថាប្រធានាធិបតីរុស្ស៊ីលោក ពូទីន មានទ្រព្យសម្បត្តិប៉ុន្មានលានដុល្លារ?...

ជម្រះស្មៅ ដាំបន្លែ ថែសួន ដោយខ្លួនលោក ពីរនាក់ភរិយា ដោយមិនត្រូវការអ្នកបម្រើ ឬកងការពារ អ្វីទាំងអស់ ពោលគឺលោកចូលចិត្តរស់នៅដូចប្រជាពលរដ្ឋសាមញ្ញ។ ទ្រព្យសម្បត្តិដែលលោកមាន គឺឡានម៉ាកវ៉ុលស្វាហ្គែន ដែលលោកទិញតាំងពីឆ្នាំ១៩៨៧ នៅតែជិះរហូតដល់សព្វថ្ងៃ។

ប្រាក់ខែរបស់លោកមួយខែ ១២ ០០០ ដុល្លារ លោកបរិច្ចាគ ៩០% សម្រាប់ជួយអ្នកក្រីក្រ។
កាលពីឆ្នាំ ២០១០ ក្នុងឱកាសប្រកាសទ្រព្យសម្បត្តិរបស់លោកប្រចាំឆ្នាំ លោកមានទ្រព្យសម្បត្តិ ១៨០០ ដុល្លារ ដែលជាតម្លៃរថយន្តវ៉ុលស្វាហ្គែន ទិញតាំងពីឆ្នាំ ១៩៨៧របស់លោក។ ឆ្នាំ២០១២ លោកបន្ថែមទ្រព្យសម្បត្តិរបស់ភរិយា ដែលរួមមានដីស្រែ ត្រាក់ទ័រ និងផ្ទះ សរុបជាទឹកប្រាក់ ២១៥ ០០០ ដុល្លារ(ជាងម្ភៃម៉ឺន)។