ខួរក្បាលគឺជាសេរីរាង្គដ៏សំខាន់បំផុតមួយនៃសារពាង្គកាយយើង
ព្រោះអ្វីៗទាំងអស់គឺស្ថិត នៅក្រោមការត្រួតពិនិត្យ
និងបញ្ញាពីខួរក្បាលទាំងអស់។
វាមិនត្រឹមតែធ្វើការងារជាច្រើននៅក្នុងសារពាង្គកាយរបស់យើងតែ
ប៉ុណ្ណោះទេ ក៏ប៉ុន្តែវាក៏ត្រូវធ្វើការប្រកួតប្រជែង គិតគូរ
វិភាគនូវរឿងរ៉ាវ និងត្រូវកត់ត្រានូវអ្វីៗជាច្រើនទៀតផងដែរ។
ខួរក្បាលជាសរីរាង្គដ៏អស្ចារ្យមួយ
ព្រោះអីវាអាចធ្វើកិច្ចការងារច្រើនណាស់
ហើយក៏មិនងាយចុះខ្សោយឡើយ
ប៉ុន្តែបើអ្នកមានទម្លាប់អាក្រក់ណាមួយក្នុងចំណោមដប់ខាងក្រោមនេះ
សូមមេត្តាធ្វើការផ្លាស់ប្តូរចាប់ពីពេលនេះទៅ។
1. មិនទទួលទានអាហារពេលព្រឹក
មនុស្សខ្ជិលភាគច្រើនប្រសិនបើជាគេងើបពីដំណេកនៅម៉ោង 8 រឺ 9
ព្រឹកនោះ គឺតែងតែរំលងអាហារពេលព្រឹកហើយចាំញ៉ាំអាហារថ្ងៃត្រង់
តែម្តង។ វាមិនមែនជាទំលាប់ល្អនោះទេ ព្រោះអីអាហារពេលព្រឹកគឺជា
អាហារដ៏សំខាន់បំផុតប្រចាំថ្ងៃ វានឹងផ្តល់ថាមពលដល់ខួរក្បាល
និងរាងកាយអោយមានភាពមាំមួនផងដែរ។
2. ញ៉ាំអាហារហួសហេតុ
ញ៉ាំអាហារគឺជារឿងល្អ ប៉ុន្តែប្រសិនបើយើងទំលាប់ញ៉ាំច្រើនពេក
នោះវាអាចប៉ះពាល់ខ្លាំងដល់ខួរក្បាល។ នៅពេលដែលយើងញ៉ាំអាហារ
ច្រើនម្តងៗ សំពាធឈាមរបស់សសៃឈាមក្រហមនឹងរីកមាឌ
មិនអាចបញ្ជូនឈាមទៅដល់ខួរក្បាលបានគ្រប់គ្រាន់។
3. ជក់បារី
នៅក្នុងផ្សែងបារីវាមានផ្ទុកដោយសារធាតុប៉ះពាល់ជាច្រើនដល់រាង្គកាយ
យើង។ ក្រៅពីប៉ះពាល់ធ្ងន់ធ្ងរ ដល់សួត ស្បែក ធ្មេញ ហើយនោះ
សារធាតុគីមីទាំងនោះក៏ប៉ះពាល់ខ្លាំងដល់ខួរក្បាលផងដែរ
ដូចជាជំងឺភ្លេចភ្លាំង និងដាច់សរសៃឈាមក្នុងខួរក្បាលជាដើម។
4. ទទួលទានរបស់ផ្អែមច្រើនពេក
ការទទួលទានម្អូបអាហារ រឺនំបង្អែមដែលមានជាតិស្ករច្រើនពេក
នឹងប៉ះពាល់ទៅដល់លើការស្រូបយក ជាតិប្រូតេអ៊ីន
នឹងសារធាតុចិញ្ចឹមផ្សេងៗបាន។
សារធាតុទាំងនេះសុទ្ធតែជាសារធាតុពិសេស និងចាំបាច់បំផុត
ហើយកង្វះខាតវាក៏ប៉ះពាល់ទៅដល់ដំណើរការនៃខួរក្បាលដែរ។
5. ស្រូបយកផ្សែងពុល
ពិភពលោកកាន់តែអភិវឌ្ឍន៍ទៅមុខ
ការបំពុលបរិស្ថានក៏កាន់តែមានច្រើន គួរអោយព្រួយបារម្ភផងដែរ។
រូបភាពនៃផ្សែងពុលមានច្រើន ដែលមានដូចជាចេញពីរោងចក្រ ម៉ូតូ ឡាន
គ្រឿងចក្រ ផ្សែងបារី និងចេញពីការដុតសម្រាម សាកសព
សត្វនិងមនុស្សជាដើម។ ផ្សែងពុលទាំងនេះផ្ទុកដោយសារធាតុពុលច្រើន
ជាពិសេសកាបូន ដែលអាចអោយខួរក្បាលដំណើរការមិនប្រក្រតីបាន។
6. ដេកមិនគ្រប់គ្រាន់ រឺដេកជ្រុលពេក
ក្នុងមួយថ្ងៃ ខួរក្បាលត្រូវការសម្រាកយ៉ាងហោចណាស់ក៏ 7
ម៉ោងកន្លះទៅ 8 ម៉ោងកន្លះដែរ ដើម្បីបង្កើតកោសិកាថ្មី។
ប្រសិនបើយើងដេកមិនគ្រប់គ្រាន់ រឺក៏ដេកជ្រុល
នោះខួរក្បាលអ្នកនឹងដំណើរការមិនប្រក្រតីនោះឡើយ
ហើយក៏ឆាប់ភ្លេចភ្លាំងដែរ។
7. ដេកគ្របមុខ រឺបន្ទប់ហប់គ្មានខ្យល់ចេញចូល
មនុស្សមួយចំនួនមានទំលាប់ដេកគ្របមុខ
ដោយមូលហេតុនោះអាចមកពីរងារពេក ថ្លង់ រឺក៏ខ្លាចខ្មោច។
ការដេកទាំងគ្របមុខដូច្នេះធ្វើអោយការស្រូបយកអុកស៊ីសែនមានកម្រិត
តិចតួច អាចអោយយើងភ្ញាក់ឡើងមានអារម្មណ៍ធីងធោងបាន។
8. ខំប្រឹងគិត រឺធ្វើការ ទាំងខ្លួនឯងឈឺ
ការខំរៀន រឹធ្វើការទាំងខ្លួនឯងឈឺ អាចអោយអ្នកឈឺលើសដើមបាន។
កំឡុងពេលដែលយើងឈឺ ខួរក្បាលរបស់យើងមានភាពទន់ខ្សោយទៅហើយ
ប្រសិនបើយើងនៅតែប្រើវាអោយធ្វើការធ្ងន់ទៀត
នោះវានឹងកាន់តែធ្លាក់ខ្សោយថែមមួយកម្រិតទៀត។
9. មិនចេះហ្វឹកហាត់ខួរក្បាល
ខួរក្បាលរបស់អ្នកគឺប្រៀបបានដូចជាកាំបិតអញ្ចឹង
កាលណាយើងកាន់តែប្រើ និងឧស្សាហ៍សំលៀង នោះវានឹងនៅតែមុតល្អ។
សូមកុំទំលាប់ដេកច្រើន
មិនចេះហ្វឹកហាត់ខួរក្បាលអ្នកអោយនៅស្ពឹកស្រពន់ឡើយ។
ឧស្សាហ៍លេងហ្គេម ដោះស្រាយចំណោទ អានសៀវភៅ សិក្សាអ្វីថ្មីៗ
សុទ្ធតែជាវិធីលត់ដំខួរក្បាលដ៏ល្អ។
10. មានទំលាប់មិនសូវនិយាយស្តីច្រើន
ការនិយាយស្តីក៏ជាការហ្វឹកហាត់ខួរក្បាលមួយដែរ
ហើយយើងអាចកត់សម្គាល់ឃើញថាមនុស្សដែល និយាយស្តីច្រើន
និងពោរពេញដោយអត្ថន័យ ពួកគេសុទ្ធតែមានខួរក្បាលល្អ។
មនុស្សដែលមិនឧស្សាហ៍និយាយស្តីភាគច្រើន មានការគិតយឹត
ហើយក៏មិនរហ័សល្អនោះទេ។
យើងជឿថាយ៉ាងហោចណាស់ក៏អ្នកមានទំលាប់អាក្រក់មួយក្នុងចំណោមនេះដែរ
ហើយប្រសិនបើដូច្នេះសូមមេត្តាចាប់ផ្តើមផ្លាស់ប្តូរវានៅថ្ងៃនេះ
ភ្លាមទៅ។ មានខួរក្បាលដ៏ល្អ
និងមានភាពស្រស់ថ្លាគឺជារឿងដ៏ល្អមួយ
ព្រោះយើងអាចបំពេញកិច្ចការងារផ្សេងៗបានដោយងាយស្រួល រហ័ស
ហើយវាក៏នាំយើងអោយក្លាយទៅជាមនុស្សមួយជោគជ័យផងដែរ។
source : http://cambo-report.com/Default1.aspx
